1
QWhā Drightē dere his doom schal dresse
2
And alle oure dedys demen on a day,
3
Oure owyn werkys schuln bere witnesse:
4
How we han went in wylsum way,
5
And how we han wroutʒ aʒens his wil,
6
Þe prince þat may vs spare and spil
7
And fere vs with þe fendis fray.
8
Þāne schal be schiftyd al with skil,
9
Good for good and ille for il,
10
And put in no lengere delay.
11
That day schal ben a day of drede,
12
Whan doom to euery man is dytht.
13
Who is so worthy vndir wede,
14
Or who is now so wys a wytht
15
Þat þāne schal boldly durn abyde,
16
Whan he schal sen on euery syde
17
His sory sȳnys schewyd right,
18
And Cryst with blody woundis wyde
19
Schal schewe what deth he for vs dyde
20
In recuryngge of his right?
21
Than schal al oure blowyn bost
22
And al oure brag be brout ful bas,
23
Whan he þat is of myʒgtys most
24
Schal makyn his meruelyous manas
25
And byddin þe fals fast from hym flen
26
In pleiʒende pych in helle to ben.
27
Þanne is to late to seyn alas,
28
Whan Cryst oure dedys schal dewly dem.
29
Þe pure seyntys ʒet schuln sem
30
Aferd to lokyn hym in þe fas.
31
Than wot I wel we woful wrecchis
32
Schuln wepin, and worthy is I wene.
33
For troste it wel þat oure mystecchis
34
Schal turne vs þāne to treyʒe and tene.
35
But we þe rathere repente and ryse
36
And set vs sure in Goddis seruyse,
37
Þat schal vs deme alle be dene,
38
And do as I schal here deuyse,
39
As Seynt Anselm in sad asyse a-syse
40
Mad a mone þat I of mene.
1368px
The scribe has added "Incipit lamentatio sancti Anselmi" in red alongside the end of stanza 1 and the beginning of stanza 2, a positioning which could indicate his deliberate effort to fit four ten-line stanzas on each page.